Charlotte De Witte / Mckenzie Simone / Neux. ეს იმ არისტების ჩამონათვალია, რომლებსაც ელექტრონული მუსიკისა და ვიზუალური ხელოვნების ფესტივალი Decoder, 27 მარტს, გაზაფხულის პირველ სერიზე უმასპინძლებს. Charlotte de Witte ბელგიელი დიჯეი და პროდიუსერია, რომელიც საქართველოს პირველად, სწორედ DECODER-ის ფარგლებში ეწვევა. არტისტმა თავისი ოსტატობით, უკომპრომისო და მტკიცე ტექნოს სტილით, ზუსტად ისე შეძლო მუსიკის მართვა, როგორც მას წარმოედგინა. მისთვის დამახასიათებელი ბუნებრივი სიმარტივით და სიმშვიდით, მსოფლიოს უდიდეს სცენებზე დაკვრას მარტივ ქმედებად წარმოგვიჩენს. მისი სტუდიური ჩანაწერები ინტენსიური, გამომწვევი და უდაოდ შთამბეჭდავია, რომლებმაც ისეთი ლეიბლები დაიპყრეს, როგორიცაა Novamute და Mary Go Wild.

Charlotte de Witte-თან ერთად, ჩვენი სცენა პირველად დაეთმობა ამერიკაში დაბადებულ და თბილისში მოღვაწე, 24 წლის Mceknzie Simone-ს, რომლის კარიერაც 2016 წლიდან, შუა აღმოსავლეთში დაიწყო. მას შემდეგ, რაც აქტიურმა და მოტივირებულმა დიჯეიმ თბილისის წარმატებული მუსიკალური სამყარო აღმოაჩინა, გადაწყვიტა საცხოვრებლად საქართველოში გადმოსულიყო. Mceknzie-ს სეტები დახუნძლულია ეისიდ, სწრაფი და ენერგიული ჟღერადობებით. წარმატებული აღმოჩნდა DECODER-ისა და NEUX-ის კოლაბორაცია 2020 წლის დასაწყისში. უკვე მეორედ ვუმასპინძლებთ ლოკალური სცენის ახალგაზრდა დიჯეის, რომელიც არც თუ ისე დიდი ხნის წინ გამოჩნდა ასპარეზზე, თუმცა სწრაფი ტემპით მოახერხა მსმენელის ყურადღების მიქცევა. NEUX ცდილობს კონკრეტული ჟანრის ჩარჩოებში არასოდეს მოექცეს და დაუკრას ის, რასაც გრძნობს. ეს ბუნებრივი მდგომარეობა კი, ყოველთვის ხელს უწყობს არტისტსა და მსმენელს შორის, გულწრფელი ემოციური კავშირის დამყარებას.

Online Tickets :

I BASKET - 60 GEL

II BASKET - 70 GEL

III BASKET - 80 GEL

IV BASKET / DOOR - 90 GEL

Age: 18+