31 დეკემბრის შემდეგ, ტემპს არ ვაგდებთ და 1 იანვარს, DECODER კიდევ ერთ დაუვიწყარ ღონისძიებას მოგიძღვნით.

უკვე მეორედ, გვაქვს პატივი წარმოგიდგინოთ თანამედროვე ტექნო სცენის მნიშვნელოვანი ფიგურა - STEVE BUG. ვეტერანი არტისტი, რომელსაც ელექტრონული მუსიკისა და სცენის განვითარებაში უდიდესი წვლილი აქვს შეტანილი, Techno და Acid house-ის გარდამტეხ პერიოდში გაიზარდა. მისი სიყვარული იდეალური ჟღერადობის მიმართ ახლაც ისეთივე ცხადი და აშკარაა, როგორც დასაწყისში. ბრემენსა და ჰამბურგში, დიჯეინგის ადრეული პერიოდიდანვე შესამჩნევი იყო არტისტის ნიჭი და პოტენციალი, რომელიც განვითარებასა და ხელშეწყობას ელოდა. 1993 წელს, Superstition-ის წევრის, Tobias Lampe-ს მხარდაჭერითა და ხელშეწყობით, Steve Bug-ის პირველი ნამუშევარი გამოიცა და მისი მუსიკალური თავგადასავალიც დაიწყო, რომელიც დღემდე წარმატებით გრძელდება.

გარდა მოწვეული არტისტისა, SPACEHALL-ში შეკრებილი მსმენელისთვის, სამამულო სცენის წარმატებული Dj და პროდიუსერი, NICOLE დაუკრავს. მისი მუსიკალური კარიერა, 18 წლის ასაკში, დუო “Body Thrills”-ით დაიწყო. 2018 წელს, Boiler Room-ზე წარმატებული შესრულების შემდეგ, ქვეყნის ერთ-ერთ წამყვან ქალ შემსრულებლად მიიჩნევა და აქტიურად იწვევენ ქვეყნის ფარგლებს გარეთაც, პრაღაში, სტოქჰოლმში, ბერლინში და ა.შ. აღსანიშნავია, რომ 28 იანვარს, Eerie Records-ზე, მისი პირველი EP გამოიცემა, რომელშიც 4 კომპოზიცია იქნებ შესული.

DECODER-ის საფესტივალო სერია, პირველად უმასპინძლებს ნატა ბერაძეს, სასცენო სახელით NEUX. 22 წლის Dj არც თუ ისე დიდი ხნის წინ გამოჩნდა ასპარეზზე, თუმცა სწრაფი ნაბიჯებით მოახერხა მსმენელის ყურადღების მიქცევა. მისი მუსიკა მრავალფეროვნებით გამოირჩევა. ცდილობს კონკრეტული ჟანრის ჩარჩოებში არასოდეს მოექცეს და დაუკრას ის, რასაც გრძნობს. ნატასთვის ყოველი ახალი აუდიტორია, ახალი ენერგეტიკა და გამოწვევაა. ვფოქრობთ, რომ DECODER-ის მსმენელის წინაშე მის დებიუტს, წარმატებული გაგრძელება ექნება.

Online Tickets:

I BASKET - 30 GEL 

II BASKET - 40 GEL

III BASKET / DOOR  - 50 GEL

Age: 18+